विधायक गणेशोत्सव

‎'आरंभ'ची बातमी वाचून जत तालुक्यातून फोन आले. दुष्काळी परिस्थितीमुळं गणेशोत्सव साधेपणानं साजरा करणार असल्याचं कार्यकर्त्यांनी सांगितलंय. मोठमोठ्या मूर्तींची ने-आण करण्यातल्या अडचणी आणि विसर्जनानंतरची दुर्दशा यांबद्दल गावांमधून बरंच विचारमंथन होतंय. दरवर्षी मूर्तीचा आकार कमी करत यंदा दोन फुटी मूर्तीच ठरवली आहे. पुढच्या वर्षी शाडूच्या मातीचीच मूर्ती आणणार असल्याचं कार्यकर्तांनी फोनवर आवर्जून सांगितलं. शिवाय, डॉल्बीला पूर्णपणे फाटा देऊन यंदा गावातल्या मंदिराचं पारंपारिक ढोलपथक मिरवणुकीसाठी ठरवलंय...